شعبلون والكيف الملعون

((( 1 )))

في مساء يوم جميل ذهبت لزيارة صديقي ملك الجن ( شعبلون )
كنت قدر ارتديت ملابسي الشعبة التراثية التي نويت أن أقابل بها
وزير المالية لغرض في نفسي ستعرفونه لاحقاً...

وصلت مغارة شعبلون رحب فيا ترحيب حار
وبادرني بالقول : ما شاء الله وش هالشياكة قحم امعمايه
قلت لك من ذوقك ( طال عمرك )
ابتسم شعبلون بخبث وقال : ياحبكم لهذه الكلمة طال عمرك طال عمرك
ليست سيئة ولكن يفوح منها رائحة النفاق
قلت له يا شعبلون لا تدقق على طال عمرك ترانا ساعات نسلك بها الامور

قال شعبلون والاستهتار يشوب محياه :
يا قحم حياتكم كلها تسليك بتسليك
حقوقكم تطلبونها بتسليك اللي لك مصلحه معه تسلك له واللي ما تبغاه تذمه
أقول لك يا قحم حياك الله والله ما يفيد معكم شيء
وخلنا في سوالفنا

قلت له أبغى أسهر مع العساف تكفى بسرعه مستعجل
قال وش فيكم على العساف هذا ترى الدنيا معسوفه كلها
كلكم عسافين كبيركم ياكل صغيركم وتسوون مثاليين وتنتقدون وتعدلون الامور
وانتم يبغى لأنفسكم تعديل قبل

بصراحه قالها شعبلون و الغضب يكسو محياه
قلت له طال عمرك صحيح فينا مساوء كثيره لكن العساف هذا جار على الناس

قال أبشر بسعدك يا قحم بخليك تسهر مع العساف ومع العسافين كلهم لو بغيت
لكن بشرط
قلت له وشهو شرطك أبشر به

قال وش صورة المركى أو المدكى أو المسند اللي تحت أرفقتها بمنشورك ؟
قلت له هذا المركى حكايته حكايه

قال هاتها بالتفصيل وبكون معك صديق طويل الأجل ويمدينا على السهرات
يا اللي بيعدل الكون

قلت بمداعبه طويل الأجل زي حليب المراعي وطقيتها ضحكه يعني أني أنكت على شعبلون

قال هات سالفتك لا أخليك الحين تروح تحلب بقر المراعي كلها
قلت له ما بيخلوني أصحاب شركة المراعي
عندهم شركات وأجهزة تحلب كل شيء

المهم قال يالله لا تضيع وقتنا
هات سالفة المركى

قلت له أبشر بس تراها طويلة
قال اختصر بدون ماتخل بالمضمون

قلت والله أستاذ شعبلون ( اسلك له )

المركى هذا له ذكريات كثيرة معي ومع الناس كلهم
ومرات عديدة أتساءل كم تكيت عليه بيدي اليمين وكم مرة تكيت عليه بيدي اليسار
كم مرة تكيت عليه وأنا بكامل سعادتي ونشوتي
وكم مرة تكيت عليه وأنا في قمة الحزن
كم مرة تكيت عليه وأنا أذكر الله وأناجيه وكم مرة تكيت عليه وأنا أنم وأغتاب الناس

قال شعبلون حلو كمل يا قحم امعمايه وبخلي المركى يسولف معك
وبخليه يفضحك إذا حاولت تكذب

قلت في نفسي (( كافرن كافرن ) ماعاد بقدر المع نفسي المركى بيتكلم ويفضحني

المهم شوي والمركى بجنبي
قال حياك الله قحم
بسمعك لكن تراني ما بسكت
شعبلون قال إذا شطحت أعلمه

قلت سم (( طال عمرك ))يا مركى

بيني وبينكم بديت أكثر من (( طال عمرك )) بصراحه بسلك أموري
لو ألاقي حمار قلت له طال عمرك ما ودي أنفضح

بديت ذكرياتي مع المركى

في مرة من المرات كنت في سمرة مع الأصحاب ومتكي على المركى بيدي اليسار وكنت في غاية الشياكة ثوبي جديد وغترتي جديدة وشرابي جديد ورائحة العطر تفوح حيث كنت أقتني أفضل العطورات حدث نقاش بيني وبين أصدقائي
قاطعني المركى تنحنح
رمقته بنظره قال كمل لبسك وعلم بالصدق
قلت له قلت الصدق
قال المركى إيه لكن ملابسك الداخليه كانت وسخه

قلت الله يقطع سمو ابليسك يالمركى بالله تذكر ؟
قال ايه تتهندم مظاهر فقط لكن من الداخل ( أي كلام )

نظر إلي شعبلون قال كم عدد بقر المراعي ؟

تذكرت أني بأحلبها كلها لو أكذب

وصلت رسالة شعبلون ورسالة المركى

عزمت أقول الصدق في كل شيء

المهم دار الحوار مع الأصدقاء حول تفكك المجتمع والأسر والعوائل
وأذكر أني قلت لهم ترون الحل بصلة الرحم وذيك الليله
سويت الهوايل حيث انبهر الأصدقاء من طريقة نقاشيء ومن إقناعي لهم بأن صلة الرحم قد انقطعت وحسدوني على مثاليتي

تنحنح المركى
حلفت أني ما كذبت
قال المركى ما كذبت لكن نسيت ما توضح لنا
قلت له أوضح ماذا ؟
قال ذيك الليلة يوم تقنعهم بصلة الرحم لك أقارب من سنين ما شفتهم ولا سألت عنهم
صح ياقحوم ؟؟؟
قالها المركى بصوت عالي
قلت صح طال عمرك صح بس والله أنها الدنيا وأشغالها
قال كمل لكن تذكر كل شيء ولا تنسى تراى النسيان يتعب

تصبب العرق من كل مكان وقلت لهم طيب وش رايكم نغير سالفة المركى ؟
قالوا هذاك أول

كمل كمل كمل

قلت طيب

بكمل معكم سالفتي مع المركى في هذا المنشور
وباقي السهرات ستكون كل سهرة في منشور مستقل


تحياتي

قحم امعمايه